ಯಕ್ಷಗಾನ ಕಲಾವಿದ ಐತ್ತಪ್ಪ ಗೌಡರಿಗೆ ‘ಕಲಾಸಾಧನ’ ಪ್ರಶಸ್ತಿ ಪ್ರದಾನ
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಶುಕ್ರವಾರ, ಒಕ್ಟೋಬರ್ 18 , 2013
|
|
ಒಕ್ಟೋಬರ್ 18 , 2013
|
ಯಕ್ಷಗಾನ ಕಲಾವಿದ ಐತ್ತಪ್ಪ ಗೌಡರಿಗೆ ‘ಕಲಾಸಾಧನ’ ಪ್ರಶಸ್ತಿ ಪ್ರದಾನ
ವಿಟ್ಲಪಡ್ನೂರು :
ಕೋಡಪದವು ಶ್ರೀ ವೀರಾಂಜನೇಯ ಸ್ವಾಮಿ ಪ್ರತಿಷ್ಠಾನ ಯಕ್ಷಕಲಾ ವಿಶ್ವಸ್ತ ಮಂಡಳಿ ಆಶ್ರಯದಲ್ಲಿ ನಡೆದ ಶರನ್ನವರಾತ್ರಿ ಉತ್ಸವದ ಸಮಾರಂಭದಲ್ಲಿ ಯಕ್ಷಗಾನ ರಂಗದ ಹಿರಿಯ ಕಲಾವಿದ ಐತ್ತಪ್ಪ ಗೌಡರಿಗೆ 'ಕಲಾಸಾಧನ' ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದ ವಿಟ್ಲ ವಿಠಲ ಪದವಿ ಪೂರ್ವ ಕಾಲೇಜು ಪ್ರಿನ್ಸಿಪಾಲ್ ಬಿ. ರಾಧಾಕೃಷ್ಣ ಮಾತನಾಡಿ, ಯಕ್ಷಗಾನ ಕಲಾಕ್ಷೇತ್ರದ ಕಲಾವಿದರಾದ ದಿವಾಣ, ಕುಕ್ಕಿಲ, ಕರ್ಗಲ್ಲು ಅವರ ಹೆಸರಿನಲ್ಲಿ ಹತ್ತು ವರ್ಷಗಳ ಕಾಲ ಪ್ರಶಸ್ತಿ ನೀಡುತ್ತಾ, ಆ ಬಳಿಕ ಕಲಾಸಾಧಕರನ್ನು ಗುರುತಿಸಿಕೊಂಡು ಬಂದಿರುವುದು ಮಂಡಳಿಯ ಕಲಾ ಸೇವೆಗೆ ಸಾಕ್ಷಿಯಾಗಿದೆ ಎಂದು ಹೇಳಿದರು.
ಅಚಲ ಪರಿಶ್ರಮ, ಶ್ರದ್ಧೆಯಿಂದ ಯಕ್ಷಗಾನ ಕುಣಿತ, ಅರ್ಥಗಾರಿಕೆಯನ್ನು ಕರಗತ ಮಾಡಿಕೊಂಡು ಬಂದ ಐತ್ತಪ್ಪ ಗೌಡರಿಗೆ ಸಾಧನಾ ಪ್ರಶಸ್ತಿ ಸಲ್ಲುತ್ತಿರುವುದು ಅತ್ಯಂತ ಯೋಗ್ಯವಾಗಿದೆ ಎಂದು ಹವ್ಯಾಸಿ ಕಲಾವಿದ, ಬೆಳ್ತಂಗಡಿ ಅಂಚೆ ಕಚೇರಿ ಮುಖ್ಯಸ್ಥ ಗುಂಡ್ಯಡ್ಕ ಈಶ್ವರ ಭಟ್ ತಿಳಿಸಿದರು.
ನನ್ನ ಕಲಾ ದೇವಿಯ ಸೇವೆಗೆ ಸಂದ ಪ್ರತಿಫಲ ಎಂದು ಪ್ರಶಸ್ತಿ ಪಡೆದ ಐತ್ತಪ್ಪ ನಾಯ್ಕ ಪ್ರತಿಕ್ರಿಯಿಸಿದರು. ಪ್ರಧಾನ ವಿಶ್ವಸ್ಥ ನಿಟಿಲೆ ಮಹಾಬ ಲೇಶ್ವರ ಭಟ್, ವಿಶ್ವಸ್ಥ ಕಿನಿಲೆ ಗೋಪಾಲಕೃಷ್ಣ ಭಟ್, ಪಿ.ಕೆ. ವೆಂಕಟ್ರಮಣ ಭಟ್ ಉಪಸ್ಥಿತರಿದ್ದರು.
ಇದೇ ಸಂದರ್ಭದಲ್ಲಿ ಶ್ರೀ ವೀರಾಂಜನೇಯ ವೈಭವಂ ಧ್ವನಿ ಸುರುಳಿ ಸಂಗೀತ ನಿರ್ದೇಶಕ ಪುತ್ತೂರು ಚಂದ್ರಶೇಖರ ಹೆಗ್ಡೆ, ಗಾಯಕಿ ವಸುಂಧರಾ ಕುಕ್ಕಿಲ ಅವರನ್ನು ಗೌರವಿಸಲಾಯಿತು. ಇತ್ತೀಚೆಗೆ ನಿಧನರಾದ ದಿ. ಕರ್ಗಲ್ಲು ಸುಬ್ಬಣ್ಣ ಭಟ್ ಅವರ ಪತ್ನಿ ದೇವಕಿ ಅಮ್ಮ, ವೈದ್ಯೆ ಡಾ. ಜಲಜಾ ರಾವ್, ಸಾಮಾಜಿಕ ಕಾರ್ಯಕರ್ತ ಪಂಜಿಗದ್ದೆ ಗೋವಿಂದ ಭಟ್, ಕರ್ಗಲ್ಲು ಪ್ರಶಸ್ತಿ ವಿಜೇತ ಕಲಾವಿದ ಪಕಳಕುಂಜ ಕೃಷ್ಣ ನಾಯ್ಕ ಅವರಿಗರ ಶ್ರದ್ಧಾಂಜಲಿ ನೀಡಲಾಯಿತು. ಚಣಿಲ ಸುಬ್ರಹ್ಮಣ್ಯ ಭಟ್ ಸ್ವಾಗತಿಸಿದರು. ಕುಕ್ಕಿಲ ಪುರಂದರ ವಿಠಲ ಸಂಮಾನ ಪತ್ರ ವಾಚಿಸಿದರು. ವಕೀಲ ಪೆರ್ವಡಿ ಕುಮಾರ ಸುಬ್ರಹ್ಮಣ್ಯ ಕಾರ್ಯಕ್ರಮ ನಿರೂಪಿಸಿದರು.
ಸಭೆಯ ಬಳಿಕ ಮಾಣಿಲ ವಿಷ್ಣುಮೂರ್ತಿ ಮಕ್ಕಳ ಮೇಳ ಹಾಗೂ ಯಕ್ಷ ಸಿಂಧೂರ ಪ್ರತಿಷ್ಠಾನದ ಕಲಾವಿದರಿಂದ ಮೇಧಿನಿ ನಿರ್ಮಾಣ, ಮಹಿಷಾಸುರ ಮರ್ದಿನಿ ಎಂಬ ಬಯಲಾಟ ಪ್ರದರ್ಶನಗೊಂಡಿತು.
ಕೃಪೆ : http://vijaykarnataka.indiatimes.com/
|
|
|
